Sorg og gledi....

Jaeja gott fólk thá er komid ad thví...ég fer ad koma heim, nánar tiltekid thann 22.des;) Ég er búin ad hafa thad ótrúlega gott thessa sídustu daga mína í Granada og ég er búin í skólanum og búin ad fá diplómad mitt fyrir thessa thrjá áfanga og ég er nú bara ansi hress med útkomuna! Ég er búin ad djamma mikid, fara oft ad fá mér tapas med krökkunum og vid erum búin ad nota sídustu daga til ad gera allt thad skemmtilegasta hér í Granada einu sinni enn ádur en vid förum heim. Ádan fór svo meirihlutinn af hópnum mínum heim svo ég er ein eftir med Fionu.
Ádan pakkadi ég svo nidur í töskuna mína og svei mér thá ef hún er ekki bara léttari en thegar ég fór út, hvernig veit ég ekki en ég thurfti allavega ekki ad setjast á hana til ad loka henni;)
Á morgun aetla ég svo bara ad njóta Granada til hins ýtrasta og fá mér eitthvad gott ad borda, labba um og ad sjálfsögdu djamma í sídasta skiptid med Fionu. Hehe ótrúlegt hvad madur hljómar dramatískur thegar allt er ad gerast í sídasta sinn.
Ferdalagid langa til Íslands á svo eftir ad taka 3 daga vegna thess ad ég er svo heppin ad ég missi alltaf af sídustu vél dagsins med c.a. hálftíma mun. Á föstudaginn flýg ég til London, Stansted gisti thar í eina nótt( í bodi mömmu gömlu sem tók thad sko ekki í mál ad litla örverpid hennar myndi sofa heila nótt eitt á flugvelli), á laugardaginn flýg ég svo til Rvk og Ranna besta yndid mitt aetlar ad saekja mig á völlin og vid aetlum ad eyda kvöldinu med Hjalta og jafnvel Gittu ef hún verdur í baenum. Ad morgni sunnudagsins aetla ég svo til gömlu gódu Egilsstada og thar bídur mín hele familien! Úff ég get ekki bedid..jólafílingurinn alveg ad fara med mig;)

En jaeja elskurnar...ég aetla thá bara ad kvedja (í sídasta sinn..hehehe)
Hlakka alveg ógedslega til ad sjá ykkur öll!

Adiós, Sólveig

aukamyndir;)

Aðeins fleiri myndir frá löngu helginni;)

1.Ég og rauðasta sólsetur sem ég hef séð um ævina
2.Jólatré úr jólarósum í Málaga
3.Stærsta jólatré í heimi
4.Ég og Málaga góð saman;)
5.Varð að láta þessa sígaunakonu með, hún er sko vel gjaldgeng í kalkúnafélagið!

Powerblogg

Þá er þessi LANGA helgi búin og ég búin að vera svaka dugleg að gera fullt af skemmtilegu dóti. Á fimmtudaginn síðasta fór ég í göngutúr með Fionu og Emily upp á útsýnispallinn hér í Granada sem heitir Mirador. Þar getur maður séð yfir alla borgina, alla leið upp í Sierra Nevada fjöllin og svo má auðvitað ekki gleyma Alhambra kastalanum mesta stolti Granadína. Þar tók ég alveg óheyrilega mikið af myndum af útsýninu og sólsetrinu. Á leiðinni niður gengum við í gegnum arabahverfið, Albaysín, og sáum alskonar skranbúðir, te-hús og mishæfileikaríka götulistamenn sem er ansi mikið um í þessu hverfi. Albaysín er alveg ótrúlega flott hverfi og er stór hluti af Granada, ég hef samt ekki mikið farið þangað meðan ég hef verið hérna því það getur verið mjög hættulegt fyrir ljóshærða túristavitleysinga eins og mig.
Borgin sjálf er alltaf að verða jólalegri og jólalegri og ég alveg að fara af taugum ég hlakkar svo til jólanna í faðmi fjölskyldunnar, en ég finn samt ekki fyrir neinu jólaskapi hér það er hreinlega ekki hægt. Hér er ennþá 16 stiga hiti á daginn og sól og ég bara kem mér ekki í gírinn, ekki einu sinni með hjálp Ellýjar og Vilhjálms. Spánverjar halda líka allt öðruvísi upp á jólin, en núna eru þeir farnir að stylla upp fleiri og fleiri Betlehem-um um alla borgina. Það eru sem sagt líkön af Betlehem með litlum leirköllum og konum, dýrum og gróðri og fólk bíður í löngum röðum í kuldanum á kvöldin til þess að komast inn í húsin sem þessu er stillt upp í, furðurlegt alveg. Ég fór inn í eitt svona um daginn bara til að forvitnast og þetta var svei mér þá bara nokkuð flott, þvílík smáatriði. Kannski ekki skrítið að mér hafi fundist þetta flott þar sem samanburðurinn sem ég hafði af þessu fyrirbæri var Betlehem-uppstyllingin sem er á borðinu í andyrinu á Egilsstaða kirkju, en það er bara fjárhúsið, ein kind og ein kú, María, Jósep og Sússi litli.
Svo eru alltaf fleiri og fleiri að fara heim og það kemur mér alltaf meira og meira á óvart hvað það er erfitt að kveðja þetta lið. Á laugardaginn kvaddi ég Sherie bekkjatsystur mína frá Austin, Texas. Alveg ótrúlega forvitnilegur einstaklingur þar á ferð. Hún er 31 árs fjögurra barna móðir, gift milljónamæringi sem er 17 árum eldri en hún, ótrúlega alvörugefinn og umhyggjufull (ég veit ég er að búa til orð ég bara finn það ekki í hausnum á mér núna) móðir sem dansar upp á barborðum þegar hún fer út á lífið. Hún bauð mér í reunion til Texas í júní 2008 en ég sagðist nú líklega ekki eiga nægan pening þá, en hún tók það ekki í mál og sagði að einhvern daginn myndi bíða mín e-miði á tölvupóstinum mínum til Texas, þannig ég þarf bara að bíða og vona að hún hafi ekki verið það drukkin þegar hún lofaði þessu;)
Fór svo í göngutúr um daginn og fann nautaatshringinn. Ætla að reyna að komast á nautaat áður en ég fer heim, en það er eitt nautaat í Atarfe (sem er einhverstaðar hér nálægt) 16.des. en það er svona aukaat sem er til styrktar einhverju í sambandi við jólin...Finnst það svona frekar kaldhæðnislegt að drepa sex naut á hrottafullan hátt bara svona í tilefni jólanna...hehe...ég hef alltaf sagt að spánhverjar væru skrítinir.
Úff þetta er endalaust....
Á sunnudaginn fór ég svo til Málaga með Fionu, við skoðuðum Dómkirkjuna, eldgamlan kastala þar sem ríkisstjórn síðustu múslimanna í Málaga bjó. Við fórum svo á ströndina í smá sólbað og skoðuðum svo jólaskreytingarnar og þar sá ég stærsta jólatré sem ég hef séð um ævina. Þegar við fengum okkur svo hádegismat fundum við bar sem heitir Cheers og er eftirherma af barnum úr þáttaröðinni, en þar sem Cheers er það eina sem ég hef horft á síðusut tvo mánuðina þá fannst okkur nú við hæfi að tylla okkur við hliðina á styttunni af Norm og fá okkur einn hambó með fröllum.
Dagurinn var alveg frábær og voðalega þægilegt að fá smá hita á kroppinn eftir allan “kuldann” í Granada, veit ekki hvað ég á eftir að gera þegar ég kem heim í alvöru kulda.
En fyrir þá sem ekki eru búnir að fatta það þá kem ég heim eftir litla 12 daga vúbbí;)

Þangað til næst (sem verður líklega seinasta bloggið í þessari seríu)

Hasta luego mis amigos;)

Myndir:
1.Sierra Nevada fjöllin
2.Einhver stelpa og Alhambra-kastalinn
3.Granada við sólsetur
4.Nautaatshringurinn
5.Emily, Fiona og ég

Jæja margt búið að gerast síðan ég bloggaði síðast. Um síðustu helgi var lokadjammið okkar Mette og við héldum svaka partý þar sem blandaðir voru hátt í 35 litrar af Tinto Verano og svei mér þá við náðum að koma því út, ekki spyrja mig hvernig en ég hef samt sterkan grun um að ég eigi heiðurinn af því að klára um 17 lítra! Mette “óverdóasaði” af gin og tónic og þannig héldum við af stað út á djammið fínar og sætar. Við fórum á uppáhalds staðinn okkar Mae West og ætluðum svoleiðis að arka inn enda dyraverðirnir líklega farnir að þekkja okkur...en svei mér þá haldið ekki að dyraverðirnir hafi bannað Mette að koma inn og öllum hinum sem voru með okkur fyrir utan þýska bekkjarfélaga minn Anders og mig. Eftir langar “rök”ræður við dyraverðina komumst við að því að þetta væri nú líklega ekkert að fara að ganga upp svo þeir sem komust ekki inn voru á leiðinni frá staðnum. En hvað haldið þið að einn dyravörðurinn hafi þá gert??? Jújú einmitt það eina rétta í stöðunni....SKYRPA á Mette! Ég hef sjaldan á ævi minni verið jafn hneyksluð...en sökum mikillar drykkju gat kvöldið ekki farið úrskeiðis og við héldum glaðar áfram með hráka í hárinu;)
Svo fékk ég 9.2 út úr síðasta áfanga...mín hristir þetta bara fram úr erminni..híhí. Þannig að á þriðjudaginn síðasta byrjaði ég í þriðja og síðasta áfanganum Avanzado B og tek próf úr honum 19.des og kem svo heim á klakann 22.des...viljiði pæla mér finnst ég varla hafa farið!
Á laugardaginn síðasta fór ég svo út á Tapas rölt og enn og aftur vil ég ítreka hversu mikil snilld þessi uppfinning er! Ókeypis lítill matarskammtur með hverjum drykk....ókeypis matur, kannski Haugsi ætti að flytja til Spánar...híhíhí
Á mánudaginn yfirgaf Mette mig svo og hélt aftur til Danmerkur og aldrei datt mér í hug að það væri svona erfitt að kveðja svona nýja vini, ég hef bara þekkt hana í tvo mánuði en samt skældi ég næstum úr mér augun! (kannski ekkert óvenjulegt fyrir mig þar sem ég er lélegust í heimi að kveðja fólk, ég fer alltaf að grenja og ef ég fór ekki að grenja þegar ég kvaddi þig, ekki móðgast þá því ég gerði það alveg örugglega þegar ég snéri mér við;) En við ákváðum nú að reyna að hittast á næsta ári og hver veit nema ég skelli mér með stöllu minni á Hróarskeldu...hver vill memm?
Í gær fór ég svo í göngutúr með Emily til að taka myndir af jólaljósunum sem eru út um allt, þvílíkur metnaður og jólabarnið ég alveg svaka ánægð;)
Núna er ég svo komin í 4 daga frí af því að á morgun er einhver heilagur kaþólskur dagur og ef það geris á fimmtudegi þá hafa spánverjar bara líka frí á föstudeginum, æ bara af því bara, alveg magnað þetta spænska kerfi. Mér finnst það samt fínt, ekki er ég að kvarta, ég ætla að reyna að fara til Málaga eða Sevilla í staðinn og kannski ég skelli mér á skíði upp í Sierra Nevada fjöllin.
Svo hef ég nýjar fréttir af honum Misi, kettinum sem mér hefur tekist að búa með í sátt og samlyndi í rúma tvo mánuði. Hann hefur verið að sýna mér meiri athygli en hann er vanur undanfarið og er farin að mjálma alveg ógurlega fyrir utan herbergisdyrnar mínar á kvöldin og klóra í hurðina. Veit ekki alveg hvað hann vill, reyndar fékk ég gamla herbergið hans þegar ég kom þannig að kannski vill hann fá það aftur hver veit. En vegna hræðslu minnar við þennan blásaklausa og yndislega kött hef ég sofnað með spenntar rasskinnar af hræðslu undanfarnar nætur, hversu óþægilegt er það???
en nú er nóg komið af bulli...ég ætla að fara að gera eitthvað uppbyggjandi;)
Hasta luego

Jæja er ekki kominn tími á blogg?

Sæl öll...
Nú er bara rétt tæpur mánuður þangað til ég kem heim og ég trúi því varla að ég sé búin að vera hér svona lengi, er búið að líða alveg óendanlega hratt. Loksins er farið að hengja upp jólaskraut fyrir mig hérna í borginni og svo verður kveikt á þeim um næstu helgi! Já ég er búin að kynna mér það;) Síðan en Sólveig ofurskipulagða jólabarn búin að kaupa allar jólagjafirnar og senda heim í tæka tíð fyrir jól, eða það ætla ég allavega rétt að vona, frekar leiðinlegt að enda uppi jólagjafalaus á þorláksmessu. Svo um næstu helgi, 1.des þá get ég farið að hlusta á jólalög, Ellý og Vilhjálmur og mitt eilífðaruppáhald Celine Dion!
Það er voða lítið nýtt búið að gerast upp á síðkastið bara alltaf sama rútínan skóli, djamm, skóli. Á fimmtudaginn er svo lokaprófið í öðrum áfanga og ef ég næ því þá fer ég áfram í þriðja og síðasta áfangan, Avanzado B. Þá verð ég líklega farin að babla nokkuð vel á spænsku þegar ég kem heim.
Mette er svo að fara heim til DK á þriðjudaginn næsta svo það verður tekið ROSAdjamm um næstu helgi, erum byrjaðar að kaupa áfengi í hollum svo við þurfum ekki að bera það allt í einu frá búðinni. En ástæðan fyrir þessum svaðalegu áfengiskaupum (best að útskýra ef mamma er að lesa þetta) er neflilega sú að við ætlum að bjóða öllum bekknum okkar í partý heim til hennar, og við ætlum að búa til Tinto Verano handa öllum (Rauðvín+Límonaði) og áðan keyptum við fjórar rauðvínsflöskur sem kostuðu 75 evrusent hver...viljiði pæla! Það er ekki mjög dýrt að bjóða upp á áfengi í partýunum hérna.
Svo fer bráðum að opna skíðasvæðið í Sierra Nevada fjöllunum hér fyrir ofan bæinn og þá ætla ég nú að skella mér á skíði og æfa mig fyrir fjölskyldu-skíða-ferðina til Noregs í febrúar;) Guð hvað ég hlakka til. En talandi um Noreg, þá bý ég með norskri stelpu og um daginn vorum við eitthvað að tala saman um Noreg og Ísland og bera saman og eitthvað svona bull. Haldið þá ekki að manneskjan hafi spurt mig HVAR Ísland sé! Hún er frá NOREGI...ég hef aldrei verið jafn hneyksluð á ævi minni og það hnussaði í mér í svona fimm mínútur áður en ég gat svarað henni...jahérnahér segi ég nú bara.
Svo ákvað ég að gerast ótrúlega djörf og flippuð í dag. Ég hringdi í Mette og bað hana að koma með mér í mollið til að halda í höndina á mér því ég fékk mér göt í eyrun! Já þið lásuð rétt, ég er komin með göt í eyrun loksins, eftir tuttugu ára heigulshátt;) JIBBÍ!
Svo hef ég að sjálfsögðu fleiri skemmtilegar sögur af skemmtilega skrýtnu senjorunni minni sem keðjureykir allan daginn með köttinn í fanginu. En í gær fékk ég hvítlaukssteikt lambakjöt, með fröllum og EPLAsósu...híhí ég veit ekki hvar hún fær þessar mögnuðu uppskriftir. En að sjálfsögðu kláraði ég af disknum mínum eins og mamma kenndi mér með svo ansi árangursríku “borðaðu matinn þinn, eða þú ferð inn í búr”-aðferðinni;) Takk mamma, ég væri örugglega soltin úr hungri ef ég væri ekki svona vel upp alin...

En með þessum orðum ætla ég að ljúka erindi mínu og bið ykkur vel að lifa ....

Sjáumst eftir aðeins 26 daga!

...ég veit ekki hvað ég á að skíra þetta blogg....

Jæja, ég lofaði að gera betur í þetta skiptið...
Síðasta sunnudag fór ég með Fionu í Vísindagarðinn hér í Granada að skoða allskonar áhugaverða hluti úr sögu vísindanna. Þar var líka salur með svona sjónrænum blekkingum og sýning með eitruðustu dýrum heimsins, það var rosalega flott. Þar sá ég tarantúlur, svörtu ekkjuna, sporðdreka, skröltorma, slöngur, froska og allskonar dýr í öllum litum. Síðan fórum við á fuglasýningu þar sem við sáum fálka, erni og einhverja aðra stóra fugla leika listir sínar, er ekki alveg viss um það hvernig fuglar þetta voru því þeir hétu eitthvað á spænsku, en þeir voru allavega mjög stórir. Hefði verið hentugt að hafa pabba fuglasérfræðing með sér, eða frekar, hvenær er ekki hentugt að hafa pabba með sér ég bara spyr. Það hefur tekið mikinn sjálfsaga og æfingu að hringja ekki í pabba til að spyrja hann ráða 5 sinnum á dag eins og ég var vön að gera fyrir rétt tæpu ári...allavega smá útúrdúr en til að taka hann saman þá : ég sakna pabba;)
Eftir fuglasýninguna fórum við svo í svona fiðrildahús þar sem voru alveg ógeðslega mörg risastór fiðrildi flögrandi um rétt fyrir framan nefið á þér, og ég missti mig alveg með myndavélina.
Skólinn gengur bara sinn vanagang og tíminn líður alveg ógeðslega hratt hérna, það eru bara 34 dagar þangað til ég kem heim...aaaaaaa!
Síðan tók ég eftir því um daginn að fólk á Spáni er alveg svaðalega gróft þegar það kemur að því að leggja í þröng stæði. Það hikar ekki við að keyra aðeins lauslega aftan í annan bílinn til a færa hann og bakka svo á hinn til að komast inn á stæðið. Allir bílarnir hérna hafa dældir og rispur og brotna speygla og það er öllum bara alveg sama, magnað alveg. Maður yrði þokkalega drepinn af maður myndi reyna þetta á Laugarveginum.
Síðan í næstu viku ætlum við Mette að fylkja liði (tvær saman) og skunda á einhvern vel valinn pub og horfa saman á Ísland-Danmörk, með víkingahjálma og andlitsmálningu í fánalitunum. Og ef einhver veit um aðra rás en Sýn sem sýnir leikinn þá má hann endilega láta mig vita því ég hef það á tilfinningunni að þetta þyki ekki mjög mikilvægur leikur hér á Spáni og það verði erfitt að finna einhvern sem sýnir hann, en hver veit? Í versta falli þá fáum við okkur bara bjór með Víkingahjálma, það hljómar bara sem ágætasta skemmtun;)
Síðan þarf ég að fara að pæla í jólagjöfum því ég þarf að senda þær heim fyrir ca. 5.des svo þær verði nú örugglega komnar.
Og talandi um jólin, er ekki allt orðið fullt af jólaskrauti, auglýsingum og svoleiðis á Íslandi? Hér er ekkert! Og fyrir jólabarn eins og mig þá finnst mér það bara ekkert skemmtilegt. En ég sá nú samt til þess áður en ég fór að ég væri nú með nóg af jólatónlist í tölvunni minni og strax 1.des fá Ellý og Vilhjálmur að hljóma meðan ég skrifa jólakort;)
Ef ykkur langar að vita meira um spænsku jólin þá byrja jólin 22.des á Spáni með Jólalottóinu, þá kaupir fjölskyldan saman lottómiða og horfir á sjónvarpið og borðar Spænskar jólasmákökur. Síðan slappar fólk bara af öll jólin (Spánverjar eru heimsmeistarar í að slappa af) og fólk skiptist á að fara í matarboð. Síðan á gamlárskvöldi er veisla bara eins og heima nema í staðinn fyrir að skjóta upp flugeldum þá borða þau tólf vínber á slaginu tólf, og þetta er ekkert grín, þetta gera þau fyrir gæfu á nýju ári. Mér fannst þetta alveg magnað! Síðan opna þau pakkana 5.janúar því það er víst dagurinn sem vitringarnir þrír gáfu Jesú gjafirnar sínar, nema á Spáni heita þeir Töfra kóngarnir...skemmtilegur fánýtur fróðleikur fyrir ykkur um Spænsku jólin;)

En nú bankaði Señoran mín á hurðina eins og hún gerir tvisvar á dag og segir “vamos a comer”, eða við erum að fara að borða. Mmmm hvað ætli ég fá djúpsteikt með majonesi núna???
Allavega, ég vona að ég hafi staðið mig betur í þetta skiptið, verið dugleg að kommenta, mér finnst svo gaman að sjá að einhver les þetta bull;)

Hasta luego!

Myndir:
1.Fiona í Vísindagarðinum
2.Tarantúla
3.Ég og Mette á góðri stund
4.Ein af milljón fiðrildamyndunum sem ég tók.

sitt lítið af hverju...

Vá hvað það er langt síðan ég bloggaði ég verð að bæta fyrir það. Í vikunni á undan þessari var ég í fríi eftir lokaprófið (sem ég bæ ðe vei flaug í gegnum með eina villu;) Gerði voðalega lítið annað en að slappa af í fríinu, djammaði pínu og svo fór ég á söngleikinn Fame eða FAMA á spænsku, það var svaka gaman. Náði ekki alveg öllum bröndurunum samt, en maður hlær bara þegar hinir hlægja.
Í gær kláraðist svo fyrsta vikan af kúrs nr 2, hún leið alveg ógeðslega hratt, það er komin held ég of mikil rútína í þetta allt saman hjá okkur vinunum. Skóli að sjálfsögðu alla morgna, pub quiz á mánudögum, internetkaffi á þriðjudögum, bíó á miðvikudögum, karíókí á fimmtudögum og djamm á fös og lau og svo skinkast maður bara í náttfötunum á sunnudögum;) Uppbyggjandi líf!
Mamma sendi mér pakka, það var nammi í honum það var gaman, lakkrísreimar og drakúlamolar. Takk mamma;)
Við fundum líka nýjan skemmtistað, Mae West, sem er brjálað stór dansstaður, með þremur sölum sem allir hafa mismunandi tegundir af tónlist. Svo er hægt að leigja sér einkabás ef maður er ríkur plebbi og telur sig of góðan fyrir hinn almenna pupul. Tók svo eftir því að það eru svalir yfir öllum sölunum, hræddi mig reyndar pínu að sjá það því stólarnir á þessum skemmtistað eru ennþá stærri og þyngri en stólarnir í Sjallanum...
Það var svo kveikt á kyndingunni í húsinu mínu fyrir nokkrum dögum þvílík hamingja sem ríkti á bænum, ég er ekki lengur í hættu við að fá kal á tána ef ég sting henni undan sænginni. Það er samt bara kveikt á kyndingunni frá 16:00 á daginn til 22:00, magnað hvað maður tekur kyndingu sem sjálfsögðum hlut þegar maður býr í heitavatnsparadís.
Úff ég verð að fara að gera eitthvað sem er frásögufærandi, þetta er allt of lítið af fréttum fyrir næstum tvær vikur...lofa að gera betur næst;)

"Næstum" drepin af kindahjörð!

Þá er það næsti skammtur af fréttum (misáhugaverðum samt). Ég fór í skoðunarferð upp i Alpujarra þorpin á sunnudaginn með henni Mette og fleiri nemendum úr skólanum. Það var mjög áhugaverð heimsókn, gengum í gegnum þorpin (reyndar bara 2 af svona 50), skoðuðum alskonar handverk, borðuðum traditional máltíð á litlu krúttlegu veitingahúsi og svo var ég næstum drepin af kinda/geita hjörð! Ca. 400 geitur og kindur nálguðust óðfluga(alveg brjálaðar með bjöllur og allt) þegar ég og Mette ákvaðum að ganga tvær einar upp á einhverja hæð til að fá betra útsýni. Að sjálfsögðu panikkaði ég því þetta voru jú dýr, hræddi líftóruna úr Mette og svo hlupum við eins og fætur toguðu en auðvitað föttuðum við ekki að þær voru bara að hlaupa að grasinu sem við stóðum á en ekki okkur! hehe eftir smástund fengum við hugrekkið aftur og tókum fullt af myndum af hjörðinni. Þegar ég kom heim fór ég svo að læra því að lokaprófið í fyrsta áfanganum var á þriðjudaginn. Það gekk bara vel, náði alveg pottþétt og nú er ég í vikufríi þangað til næsti kúrs byrjar. Vúbbí!
Að sjálfsögðu þurftum við að halda uppá lok fyrsta áfangans og stór hluti úr bekknum fór á Tapas-bar-rölt, það er geggjað! Tapas er svo sniðugt, ef þú pantar þér drykk á Tapas bar færðu Tapas með, en það eru svona litlir snarl-réttir, alveg ógó gott og sniðugt. Matargatið ég var allavega að fýla það í ræmur;) Skemmdi líka ekki fyrir að ein stelpan í bekknum er gift einhverjum milla, og hún tók hann bara með og lét hann borga fyrir allt...heppilegt;)
Í gær var svo Halloween og ég fór að sjálfsögðu út að skemmta mér með krökkunum, því hvað annað getur maður gert í fríi á Spáni??? Fórum á skemmtistaðinn El Camborio, aðal pleisið í bænum) og skemmtum okkur konunglega meðal, munka, býflugna, uppvakninga, engla og þunglyndra gothara;) Og einn gaurinn var klæddur eins og mennirnir í Clockwork Orange!
Á leiðinni heim varð ég svo vitni að alveg ótrúlegum hlut. Við vorum að labba heim, fjórar stelpur saman, gengum þétt saman því maður þarf að fara í gegnum svolítið skuggalegt hverfi til að komast aftur í miðbæinn. Við vorum búnar að mæta alveg skrilljón manns á leiðinni og annar hver karlmaður búinn að blístra eða hrópa einhvern óbjóð (maður er hættur að kippa sér upp við þennan dónaskap), síðan mætum við tveimur ungum strákum sem byrja eitthvað að hrópa, ég og Nicole lítum bara undanog höldum áfram að labba, en þá smeygir strákurinn sér á milli okkar tekur í veskið hjá Fionu sem var beint fyrir aftan okkur slítur það af ólinni og hleypur í burtu með það. Og hann bara tók það! Ég var svo hlessa því þetta gerðist allt á svona 5 sek og allt í einu var hann bara horfinn. Síminn, veskið með kredit og debetkortunum, myndavél og húslyklar! Alveg ótrúlegt. Þetta myndi sko aldrei gerast á Egilsstöðum;)
Í dag er svo allt lokað (nema elskulega internet-kaffið mitt) því það er dagur allra dýrlinga og á morgun er svo dagur hinna dauðu og þá er allt líka lokað. Svo kemur helgi og þá er allt líka lokað. Fjóra daga í röð...spánverjar eru skrítnir. Það er alltaf allt lokað, það þarf bara að vera eitthvað smá í gangi og þá er bara lokað, hviss bamm búmm!
Þetta er samt fínt, afar afslappað líf.
En jæja, ætla að fara að koma mér heim er búin að vera hér of lengi.
Sakna ykkar allra og sérstaklega sakna ég upphitaðra húsa, það er ekkert grín að sofa í óupphituðu húsi þegar næturihitinn er um 8°C! Hvar er dúnsængin mín!?

Eeeennn, allavega þá er ekki fleira í þættinum að þessu sinni, veriði sæl!

p.s. Myndirnar eru af
1.Ég á leiðinni að fagna lokaprófinu
2.Hluti af bekknum á fyrsta Tapasbarnum
3.Eftir nokkra Tapasbari
4.Alpujarra-þorpin
5.Krúttlegir gamlir karlar í Alpujarra ferðinni.

Mjóóóólk!

Það eru tveir dagar þangað til ég verð búin að búa hér í mánuð! Einn þirðji af ferðalaginu er búin og mér finnst þetta varla vera byrjað! Það hefur margt skemmtilegt gerst í þessari viku og meðal annars þá skrópaði í fyrsta skipti í skólann..híhí (ekki segja mömmu og pabba), en það var sökum mikilli timburmanna. Skólinn hélt nefnilega skemmtun fyrir nemendur á fimmtudegi og það var svona heldur betur tekið á því að annað eins hefur varla sést;) Ég og Mette danska komumst í kynni við barþjón sem var svona heldur betur skotin í okkur og gaf okkur fría drykki allt kvöldið (afar hentugt að vera ljóshærður hér í suðrinu) múhahaha! En það hafði líka sínar afleiðingar og hvorug okkar mætti í skólann daginn eftir.
Ég fór svo aftur í bíó á miðvikudaginn og núna gerðumst við hugrökk og fórum á fulloðins mynd sem heitir Trece Rosas (13 rósir) og er sönn saga af 13 konum sem gerðu uppreisn hér á Spáni gegn einræðisherranum Franco en fyrir það voru þær teknar af lífi. Myndin var AFAR dramatísk og ég þakkaði Guði fyrir að hafa farið á þessa mynd hér á Spáni þar sem enginn þekkir mig því við stelpurnar réðum bara engan veginn við tárin, ekkasogin og jafnvel horið í sumum atriðum.......jesús! Ég mæli eindregið með að þið farið á þessa mynd ef hún kemur til Íslands en takið samt með ykkur vasaklút, eða já, kannski bara lak!
Hmmm hvað fleira...já mig langar í mjólk! Man ekki hvort ég var búin að tala um það er mjólkin hérna er hreinn viðbjóður og það ætti að fara með þetta mál fyrir dómstóla því þetta eru hrein og bein brot á mannréttindum að mjóða manni upp á þetta! Ég reyndi einu sinni að fá mér mjólk og það geri ég ekki aftur. Mjólkina á spáni þarf ekki að geyma í kæli því hún er svo full af rotvarnarefnum að hún geymist "óskemmd" opin, í stofuhita á eldhúsboðinu svo vikum skiptir. Hún er þykk svona eins og súrmjólk og nýmjólk blandaðar saman og bragðið er svona eins og...æ úff ég veit ekki, bragðið er bara vont...Mig langar í kalda ÍSLENSKA nýmjólk og skúffukökuna hennar mömmu.
Konunni sem ég bý hjá finnst við bara skrýtnar þegar við kvörtum yfir mjólkinni, en satt best að segja finnst mér hún alveg stórskrítin!

Skemmtilegar staðreyndir um konuna sem ég bý hjá María Luz Rodríguez Fresnada:
-Hún tekur sér siestu á hverjum degi í 3 klukkutíma (sefur, gælir við köttinn sinn og horfir á sápuóperur og reykir, allt upp í rúmi).
-Hún myndi fá hjartaáfall ef kötturinn hennar myndi deyja
-Hún reykir þegar hún þrífur
-Hún reykir (og situr) þegar hún straujar fötin mín!
-Hún straujar líka nærfötin mín...hahaha
-Hún reykir þegar hún eldar og horfir á sjónvarpið
-Hún horfir á spænska sápuóperu á hverju kvöldi með köttinn í fanginu (þó hún hafi gert það í þrjá tíma fyrr um daginn).
-Hún kann uppskriftir af yfir 13.000 súpum...og ég fæ eina á hverjum degi!
-Hún á endalaust mikið af svona skraut-kristal-dýrum og ljótu blómapottaskrauti.
-Hún djúpsteikir ca.70% af því sem við borðum en með hinu fylgir majones.

Ég mun að öllum líkindum minna ansi mikið á körfubolta þegar ég kem til baka!

En nú er komið nóg af bulli, fer í skoðunarferð um Alpujarra þorpin á morgun, sem eru lítið eldgömul þorp í Sierra Nevada fjöllunum og svo fer ég í lokapróf úr fyrsta áfanganum á þriðjudaginn og fæ svo viku frí þangað til næsi áfangi byrjar...sjibbí!

Myndirnar eru frá skólaskemmtuninni:)
1.Ég og Mette
2.Ayumi frá Japan og Fiona frá Englandi
3.Ég og hinn frægi Jesse, þó ekki Jesse Spencer (hefði ekki verið verra;)

blessó hressó!

ooo Gudjonssen...yes of course!

Jæja thá er kominn tími á blogg;) Úff thad gerist alltaf svo marga á milli blogga ad eg hef ekki hugmynd um thad hvar ég á ad byrja.
Á mánudaginn fór ég í göngutúr um Albaycín hverfid med skólanum. Fyrst aetladi ég nú bara ad fara ein en einhver hvísladi thví ad mér, sem betur fer, ad mér yrdi líklega raent, veskinu mínu yrdi raent eda í minnsta lagi yrdi ég áreitt kynferdislega, allt thví ad kenna ad ég er med óvenjulega ljósan hárlit! Ég ákvad thví frekar ad bída thangad til skólinn vaeri med hópferd med leidsögumanni. Thetta hverfi er alveg magnad, göturnar eru svo mjóar ad thad komast ekki bílar thar í gegn, húsin eru öll hvít (eins og sést á myndinni sem er efst á blogginu) og baedi göturnar og húsin eru öll skökk og kraeklótt sem gerir thad ad verkum ad tharna er mjög audvellt ad villast. Vid forum upp á adal útsýnispallinn í Granada sem hefur alveg ótrúlegt útsýni yfir borgina og Alhambra höllina, skodudum svo í svona austurlenskar búdir sem selja alskonar skran fyrir engan pening og svo fann ég graffitimynd af Björk.
Á thridjudaginn gerdist ég svo hugrökk og skellti mér í salsatíma! Thvílíkt og annad eins, tíminn byrjadi thannig ad ég var EIN med kennaranum í svona halftime thví spánverjar eru svo rólegir ad their maeta ekkert fyrr en halftima klukkutíma of seint ( ég ekki alveg búin ad tileinka mér thennan spaenska lífsstíl) en sjálf maetti ég 20 mín of snemma. Hann kenndi mér grunnsporin og svona og loksins fór folk ad maeta og ádur en ég vissi af var ég farin ad dansa vid einhvern spaenskan herramann! Úff ég veit ekki hvort ég leggi aftur í thetta ein en thetta var samt ansi skemmtilegt og ég hef sjaldan fengid jafn svadalegar hardsperrur í kálfana;)
Svo skellti ég mér í bíó um daginn med Mette og Jesse, vid forum á Ratatouille thví vid héldum ad barnamyndirnar vaeru kannski med ordaforda sem vid rédum vid. Thad var líklega alveg rétt hjá okkur en allir kokkarnir í myndinni töludu spaensku med frönskum hreim, thvílík skelfing!
Á laugardaginn fór ég svo í Erasmus partý í adalklúbbnúm hér í Granada sem heitir El Camborio. Thar hitti ég tvo stráka frá Skotlandi sem höfdu svona líka áhuga á Íslandi og öllu sem thví tengdist, held their hafi spilad út öllum mögulegu spilunum eins og: oh Reykjavík, and yes…Gudjonssen, and Björk, don´t you have like just three hours of daylight…thats amazing say something in icelandic! Svo sagdist annar tierra ólmur vilja komast til Íslands í verktakavinnu til ad graeda smá pening. Ef hann bara vissi hvad erlendir verkamenn fá í laun á Íslandi…Their voru ágaetir en gud hvad thad er erfitt ad skilja thennan hreim.
Skellti mér aftur á strondina í gaer og svei mér thá ef ég nádi mér ekki á smá roda á bringuna og 4-5 freknur í vidbót.
Í morgun fór ég svo á staersta útimarkadinn hér í Granada og aetladi sko aldeilis ad versla mér eitthvad flott dót thví kennarinn minn sagdi ad tharna vaeru föt og skartgripir, ávextir, nammi og alskonar dót. Thegar ég kom svo á markadinn blöstu vid mér vörur frá thekktum fyrirtaekjum eins Mike og Ñike (Nike), Salvina Kelvin (Calvin Klein), Chaner og ad sjálfsögdu gömlu gódu D&G beltin sem er allsstada haegt ad finna. Ég fór tómhent heim ótrúlegt en satt;)
Á eftir aetla ég svo ad fara og leggjast flöt í listigardinn og reyna ad ná mér í adeins fleri freknur;)

Hasta luego!

...hola todos...

Nú er liðinn rúmur hálfur mánuður og vá hvað hann hefur liðið hratt! Ég er búin að gera alveg hellings og búin að skemmta mér alveg konunglega við það. Skólinn gengur alveg ágætlega, ég skil alltaf meira og meira af því sem kennarinn segir;) Talið kemur samt eitthvað hægar, ætli ég verði ekki bara að fá mér spænskan kærasta til að geta æft mig meira að tala (fjölskyldu og vinum til mikillar ánægju), einhver sem heitir José María eða Jesus Gonzales....nei ætli ég láti það ekki vera, ég vil íslenskt kjöt á minn disk! híhí...
Ég fór um daginn í göngutúr um borgina til að reyna að átta mig betur á henni og nýta góða veðrið (reyndar alveg óþarfi að hugsa svona á Spáni þar sem það er næstum alltaf gott veður). Ég skoðaði dómkirkjuna og einhvern af þessum skrilljón flottu görðum sem eru hérna, skoðaði styttuna af Kristófer Kólimbus og komst að því í leiðinni að ég er orðin alveg helvíti góð í því að taka myndir af sjálfri mér með styttum og húsum og þess háttar, einmannaleikinn eitthvað farinn að gera vart við sig...
Neinei, ég á nú reyndar orðið slatta af vinum sem betur fer og við höfum verið dugleg að fara út á lífið og biðja um “una grande cerveza, por favor”, skellti mér t.d. með þeim um daginn á kareokí klúbb og komst að þeirri niðustöðu að það er hin ágætasta skemmtun (svo lengi sem maður hlustar ekki of vel á tónlistina;) prufaði svo eitthvað kókaín reif kvöldið eftir og svei mér þá ef það var ekki bara verra allavega hef ég ekki látið sjá mig þar aftur.
Um helgina kom svo elsku Ellen í heimsókn til mín og þvílík gleði sem réð ríkjum allan tímann! Það var svo gott að tala íslensku, geta talað án þess að hugsa um það hvernig maður beygir sagnirnar og geta meira að segja sagt brandara sem ná í gegn...þvílík tilfinning! Á föstudaginn gekk ég með hana um borgina, sýndi henni helstu götur og byggingar og svo fórum við á einhvern miðaldamarkað og skoðuðum spænskt handverk, eldbakað brauð og illa lyktandi osta. Um kvöldið var ég svo búin að panta borð á Flamenco sýningu og kvöldmat. Við mættum galvaskar klukkan 8 og biðum spenntar eftir sýningunni. Eitthvað var nú samt fátt um gesti og við vorum orðnar ansi hræddar um að við yrðum einar með dansaranum í þessum litla litla sal. En þegar við vorum byrjaðar á matnum kom þjónninn og sagði að það væru ekki nógu margir gestir svo það væri enginn sýning (sniðugur samt að láta okkur panta áður en hann sagði okkur þetta til að missa nú ekki viðskiptin;), en svo bauð hann okkur nú reyndar ókeypis eftirrétt og að koma á sýninguna kl hálf 10. Við ákváðum þá bara að fá okkur 2-14 glös af tinto verano og sáum seinni sýninguna. Þetta var alveg rosalega flott og bæði gítarleikarinn og senjoritan voru alveg ótrúleg. Við Ellen fórum svo á aðal barinn í bænum (Hannigan and sons) og fengum okkur meira tinto verano;)
Á laugardeginum fórum við svo á ströndina með Mette vinkonu minni frá DK. Við tókum rútuna til Salobrena sem er á Costa Tropical (hljómar ekki illa). Við lágum og steiktumst í hitanum og sólinni allan daginn þangað til ég var orðin eins og tómatur á bringunni og svei mér þá ef Ellen náði sér ekki í annars stigs bruna á lærin...hehe við erum svoooo miklir íslendingar!
Um kvöldið fórum við svo út að borða átum á okkur gat og fylltum svo upp í gatið með ís..mmmmmmm
Daginn eftir vöknuðum við kl 6 til að fara að skoða Alhambra kastalann, við gátum ekki tekið frá miða svo við þurftum að mæta snemma í miðasöluna til að reyna að fá ósótta miða. Þegar við komum þangað var endalaust löng röð og við snérum næstum því við til að fara aftur að sofa. En það var einhver þrjóska sem hélt okkur þarna í röðinni í skítakulda í 1 tíma og 40 mín! Meðan við biðum fór ég og keypti handa okkur kaffi og sætabrauð til að við mydum ekki deyja, við settum svo alveg endalaust mikið súkkulaði út í kaffið svo við gætum drukkið þennan horbjóð og þvílíkur undradrykkur. Við fengum báðar munnræpu af svefnleysi og koffínsjokki og síðustu 40 mín í röðinni liðu á 30 sek. Við fengum miða á endanum og þessi bið var sko alveg þess virði. Þetta er alveg ótrúlega flott og stórt allt saman og það tók okkur um 3 eða 4 klst að skoða allt! Eftir þessa skoðunarferð var hungrið farið að segja til sín og við hlupum eins hratt og við gátum á Pizza Hut (mjög menningarlegt í stíl við skoðunarferðina). Eftir það fórum við svo og keyptum annan ís og svo skilaði ég Ellen á rútustöðina. Takk fyrir frábæra helgi Ellen!

Nú sit ég svo hér á sveitta internetkaffinu mínu að reyna að skrifa þetta blogg eins hratt og ég get því hér er hiti gott fólk...! Nennir einhver að senda mér bara pínu kulda í poka svo ég geti sofið á nóttunni...?

Læt hér fylgja með myndir frá helginni;)
Mynd1.Sjálfsmynd með Kristófer Kólimbus
Mynd2. Önnur sjálfsmynd af afar hvítum íslending
Mynd3.Ellen að fara að borða á sig gat;)
Mynd4.Í koffínsjokki í röðinni
Mynd5.Alhambra-kastalinn

En þangað til næst...adiós amigos!

Jaeja, nú er ég búin ad vera hérna í viku og thad hefur allt gengid vel enn sem komid er. Ég er reyndar búin ad komast ad mörgu skrítnu um spánverja, their eru bara hreint ekki eins og fólk er flest (segi ég, sem kem frá litla Íslandi;). En samkvaemt mínum útreikningum aettu spánverjar ad vera svona helmingi faerri en their eru í dag, af hverju ? jú af thví ad umferdin hér er alveg snarvitlaus. Hér flautar fólk stanslaust hvort á annad, jafnvel thó thad sé ekkert í gangi nema rautt ljós. Svo troda vespurnar sér allstadar á milli thannig ad tvöföld akgrein er venjulega svona fimmföld ef vid teljum vespurnar med. Svo veit ég ekki hversu oft ég hef stadid og bedid eftir ad geta hlaupid yfir jafnvel thó thad sé graenn kall, theim er alveg sama um thad og svo eru götuljósin líka stillt thannig ad stundum er rauttt ljós á öllum og allir eru ad bída eftir ad komast yfir...alveg stórfurdulegt daemi!
Ég á líka ansi erfitt med ad venjast thessari siestu á Spáni, satt best ad segja hélt ég ádur en ég kom ad thetta vaeri bara yfir sumarid thegar thad thad er miklu heitara, og tha hélt ég ad vaeri lokad yfir heitasta tíma dagsins...en neinei thad er alrangt. Hér er öllu lokad ALLTAF fra 2 til 5 a daginn og tha tharf eg alltaf bara ad hanga eitthvad thangad til allt opnar aftur, frekar pirrandi svona. Svo borda Spánverjar líka á furdulegum tímum, hádegismaturinn er t.d. kl hálf thrjú á daginn og kvöldmaturinn kl hálf níu...thetta er líka ansi erfitt fyrir matargatid mig, thar sem ad ég er alltaf ordin svöng um svona 11. Og their sem thekkja mig vel, vita hvad gerist thegar ég er svöng..hmmhmm
En ég aetti svosem ad geta vanist thessu eins og hverju ödru;)
Svo vil ég bara benda theim á thad sem höfdu thad í hyggju ad knúsa mig thegar ég kem heim , ad bída med thad í svona tvo til thrjá daga thví spánverjum finnst ekkert ad thví ad reykja inni hjá sér, og konan sem ég bý hjá er sko engin undantekning! Ad kyssa mig mun örugglega komast nálaegt thví ad sleikja öskubakka!
En svo ég haetti nú ad kvarta thá er bara ansi gaman hér á Spáni, er búin ad kynnast stelpu frá Danmörku, sem heitir Mette, strák frá USA sem heitir Jesse og og auditad öllum sem eru med mér í bekk. Ellen aetlar svo ad koma ad heimsaekja mig naestu helgi ádur en hún fer heim og thá aetlum vid stöllur ad skella okkur á ströndina og vera smá túristar í okkur.
en thangad til naest....
kv.Sóla (nýja nafnid mitt, thví enginn getur sagt Sólveig eda Edda)

Sól og sumar;)

jæja, ég ætla að reyna að standa mig í að vera bloggari, svo ætli ég þurfi ekki að blogga smá núna;)
Það er ansi mikið búið að gerast síðustu daga, fór út á sunnudagskvöldið til að finna mér eitthvað að borða en þegar ég kom út á aðalgötuna var svo mikið af fólki að ég komst ekkert áfram. Ég varð nú svolítið forvitin og ákvað bara að fylgja straumnum því það var augljóslega eitthvað í gangi. Löggan var ut um allt og allir voru rosa fínir. Loksins kemst ég að torginu, þar voru tvær lúðrasveitir og þegar ég leit niður hina aðalgötuna sá ég eina stærstu skrúðgöngu sem ég hef séð um mína ævi. Allir gengu niður götuna í tvöfaldri röð, með kerti í höndinni og aftast í göngunni voru þrír strákar í kirtlum með kerti á svona stórum silfurstöngum og sá sem var í miðjunni hélt á siilfurkrossi með Jesú nokkrum kristi! Eftir gönguna var alveg fáránlega löng flugeldasýning, ég skil ekki ennþá hvað var í gangi en ég giska á að þarna hafi eitthvað kaþólskt verið á ferðinni;)
Á mánudagsmorguninn fór ég í stöðupróf til að ég gæti vitað í hvaða level ég færi og í hvaða bekk ég væri. Mætti reyndar í vitlaust hús, þau eru víst tvö ég veit það núna , en maðurinn í móttökunni var svo vingjarnlegur að segja mér hvar hitt húsið var og gaf mér meira að segja kort og allt;) Stöðuprófið gekk ágætlega en ég endaði í Intermedio A sem er eiginelega "erfiðleikastig" 3. Síðan fór ég og gerði alveg heilan hellingeftir prófið, fór í passamyndatöku, fékk mér spænskt símanúmer (0034665400001, ef einhver vill heyra í mér;), reyndi að stofna bankareikning en ég þarf víst að fá mér eitthvert blað hjá lögreglunni í Granada og eitthvað blablableble sem ég skildi ekki alveg því konunni í bankanum datt ekki í hug að reyna að tala pínu hægar.
Síðan var það fyrsti skóladagurinn í dag og Sólveig ákveður að sofa yfir sig, pínu panikk sem greip um sig þar! Vaknaði korter í og átti þá eftir að taka mig alveg til og koma mér í skólann (það tekur mig 20mín að labba þangað), en ég hljóp af stað með töskuna á öxlinni varla komin í fötin þegar ég hljóp út af hótelinu. Ég held ég hafi ekki lyktað neitt voða vel þegar ég mætti í skólann en þá var enginn komin og tíminn byrjaði víst ekki fyrr en hálf tíu..ég er auli, ég veit;) Dagurinn gekk ágætlega en maður lifandi hvað það getur verið erfitt að halda einbeitingunni til að hlusta á kennaran allan tímann og skilja hvað hann er að segja.
Síðan fékk ég stað til að búa á, bað um að fá að vera hjá fjölskyldu en verð hjá einhleypri gamalli konu sem á KÖTT! ég verð víst að reyna að venjast þessum kattarandskota þó ég sjái ekki fram á mikinn persónulegan bata hvað varðar dýrahræðslu! Íbúðin er samt upp á 10 hæð (gæti jafvel misst köttin "óvart" fram af svölunu einn daginn, hver veit;) og útsýnið er alveg geðbilað!

Læt fylgja með myndir af dularfullu skrúðgöngunni minni, úr skólanum og einhverju fleiru...

Adiós

Loksins loksins!

Fékk nett taugaáfall þegar ég fattaði að ég var virkilega að fara eftir nokkra klukkutíma nóttina áður en ég flaug af stað.Vaknaði skelfingu lostin eftis svona hálftíma svefn og gat hreinlega ekki sofnað aftur. Kom mér síðan af stað og flugin tvö gengu bara alveg hreint ágætlega, gat skipt um vél og allt sjálf;) Kom mér svo á Hostelið sem ég var búin að panta AB Hostal, haha þvílíkt og annað eins slumm. Fyrstu nóttina fékk ég ca. 3 fermetra herbergi með engum glugga (eða jú það var einn gluggi en hann lá bara fram á gang og þegar ég fór að sofa um kvöldið sá ég skuggana af fólkinu sem labbaði framhjá) frekar óþægilegt svona. Daginn eftir fór ég af stað um 10 með kort af Granada að vopni ég gekk af stað og hélt ég væri að gera góða hluti þegar eg fattaði að ég vissi ekkert hvað var í norður en ég fattaði það að lokum og eftir svona hálftíma var ég búin að finna skólann. Dagurinn fór svo í það að labba um bæinn og reyna að átta sig aðeins á honum og auðvitað kíkja smá í búðir;) Þetta er alveg æðisleg borg allstaðar svona pínulitlar og mjóar götur með allskonar skrítnum búðum, fullt af torgum með kaffihúsum og gosbrunnum og svo skemma nú ekki fjöllin í kring sem eru næstum alþakin hvítum húsum, alveg ótrúlega flott! Endaði svo daginn á því að fá mér pizzu og ís, sat ein á matsölustað og horfði út í loftið og reyndi að skilja það sem fólkið á næsta borði var að segja. Dagurinn í dag byrjaði svo með því að ég fattaði að ég á ekki neitt skóladót svo ég dreif mig út og ætlaði í mollið sem ég fann í gær til að kaupa allt sem ég þarf en það var lokað því það er jú sunnudagur. Þess vegna hef ég ákveðið að hýrast hér inni á hótelinu í allan dag (25°C og sól) og rifja upp spænskuna því það er víst stöðupróf á morgun.
Hasta luego mis amigos;)

skref tvö:)

Jæja, nú er búið að kaupa flugið til og frá Spáni (útskriftargjöfin frá mömms og pabbs), og þá er það orðið skjalfest að ég flýg út þann 28.september nk kl 07:15. Millilendi svo á Stansted og flýg þaðan til Granada. Get bara ekki beðið! Þangað til ætla ég að eyða öllum mínum tíma í blessuðum Söluskálanum og reyna að kreista út úr honum hverja krónu sem ég get:) Það getur verið ansi erfitt að afgreiða endalaust pirraða Íslendinga, Kínverja og Pólverja sem tala hvorki ensku, íslensku né dönsku og hálfníræðar kellingar sem tuða yfir öllum mögulegum og ómögulegum hlutum, en á meðan hugsa ég bara um Spán og tel niður dagana...og í dag eru það 25 dagar!

Þangað til næst...

vúbbí!

Jæja, fyrsta bloggið mitt komið og fyrsta skrefið í áttina að Spáni líka...ég borgaði skólann í dag og fékk e-mail um hæl sem sagði mér að ég væri komin inn og að allt væri í orden...nú er það bara að ganga frá fluginu og þá er ég farin:) Bara 37 dagar þangað til, ekki frá því að það séu komin nokkur fiðrildi í magann!


Vúbbí!